الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام

محمد الحسن سالم حميد--الضو وجهجهة التساب9

اذهب الى الأسفل

محمد الحسن سالم حميد--الضو وجهجهة التساب9

مُساهمة من طرف جبريل خميس محمد في السبت يونيو 18, 2011 11:45 am

بكاهو يرجع لا ورا,بكاهو رادى الدندهوب الغادى وام درمان تغنى حبيبتى آه وودادى وين وحبيبى ووب,والباقى كله مقابلات ضد القوانين البديلة مع القوانين البديلة,اليَسوى ما يَسوى الرذيلة,جهنم الجنة الفضيلة,ولا ختر فى بالن الحال الكدر,لا علًمُن سيل الجبال الشال مواريث القبيلة مع الحجر ,لا حكمة البحر ما ليهو مسلم لا الكفر,هبد الجوامع من طرف,غمر الزوايا مع الغمر,ما علًمُن..ما علًمُن ..والألًمك ما ألًمُن ما ألًمُن..ما ألًمُن..ما ألمن,ضد القوانين الهزيلة مع القوانين العديلة,الما بتمرمط للبلاد..اللا بتصنف للبشر..والضو زفر,إستغفر إتشهد تلا,في سٍرُو سورة الزلزلة دون بسملة...قاوم عنا,نفض عريريقي ودفر طاقيتو لا ورا وإنحنى,شد الحبل بالطوف دنا,جنب تمرة من دون التمر ما بتنطلع,طالت كُدر يقًن عفاها وسبًلا,ساب الحديات تسكنها,بمبونها من كم واربعين وِحيدا ما شالت جنا,من جابها جِدُو من المحس,من هي الصِغيرة محاننا,يسقيها بالجوز ما فتر قدر اليرجيها المطر,والليلى حظها طوفنها,شرًق بحر,غَرًب بحر,قَبًل شمال,قَبًل جنوب,دنقر بحر,صنقع بكى ,بكى ما بكى,بكاهو حس الطائرات بكاهو قدرتو تنتهى ,بكاهو يرجى المعجزات,وبآخر نفس والحيل كِمل ,بى طوفو صدً الدندهوب,بين الضبابين والنمِل نام نومة الديك في الحبِل,صحاهو آذان العصر..يالضو مفوٍت كم وكت؟نقنق براهو تِحِت تحت,رقرق دموعو بقت تَحِت,صلاية من قرآن غنا,صل يا حمام قدامى أنا,غرقان لي فى أنجاس لا هنا,ما شال مراحيضنا البحر,طفًح زفارات كم سنة,مِرحاتنا والكوش القُدام ماصِن وكت ماص الهَنا,بإيه أغتسل وأتوضأ بإيه غير الصبر يا ربنا,بكاهو خلي البال نبل قولة عقابك في الجبل..من زى دى بشرب يا جنا؟
avatar
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 41
الموقع : السعودية-الطائف

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى