محمد الحسن سالم حميد--الضو وجهجهة التساب10

هونق دحيشو ..الضو بكي..بكى ما بكى,بكاهو رادى الدندهوب الغادى,وأمدرمان تنونى حبيبتى آه وودادى وين,وحبيبى اوب,والباقى كله مقابلات,والنشرة مافى ولا خبر عن بلدو,عن شِدًة عنا,عن البحر,عن سِر نفى,ودلوقتى لندن ما بَتبِين ,حالا ده حين زى حالو فى؟ يالضو قبُل غيبة الشمس,قبل القعو,قبل البعوض,قبل الدعت,والموية كل ما ليك تزيد والزاد نفد,قبل الحصار يا زول اخير تختا البلد,يا زول قعادك شن بفيد,شِن حارسو شن خايف علي,أكتر من الطين الوقع فى الطين شهيد,صور التمر يالضو امش,عين الشمش يالضو امش,البرتكان والمنقة والنيم تنطقش بالضو امش,الدندهوب يالضو امش,حدرنلو من قوز الرماد رمن الرمش قالنلو امش,قبل الحصار يالضو امش,نبي الله نوح قالك تمش,من ضو تروح يالضو امش,يا زول قعادك شن بفيد,شن حارسو شن خايف علي..دكانك الغاية العرِش,دولابك العفش الجديد,الحافلة بيبان الحديد,توليتك البايركسي إيه خايف علي,أكتر من الطين الوقع في الطين شهيد,داك العرش والعِدة في السحارة خت فوقها البِرِش,ومن ضو امش,عارفين قليبك طبعو حار,وبهمك الروح مو القرش,لكن امش,في الفيها ماعندك خيار غير ما تمش,إنسان معمر بالحياة,ما ترمى نفسك يا حِمِش للتهلكة,خلينا امش,شن حارسو شن خايف علي اكتر من الطين الوقع في الطين شهيد,وملس دحيشو ..الضو بكى,بكى ما بكى,بكاهو حس الطائرات,بكاهو قدرتو تنتهي بكاهو يرجى المعجزات,بكاهو يقنع بالرحيل,بكاهو ما كان الشدر مالطير وما كان النخيل,بكاهو كيفن سد شبر من موية يصبح مستحيل,بكاهو يلغف في البحر والغيرو يشرب سلسبيل,بكا البينضم في الغلط:يا قالو ملحد يا عميل,بكاهو آه ما هو الآله