الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام


انضم إلى المنتدى ، فالأمر سريع وسهل

الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام
الجزيرة ابا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رسالة زوجة حكيمة لزوجها المغترب

2 مشترك

اذهب الى الأسفل

رسالة زوجة حكيمة لزوجها المغترب Empty رسالة زوجة حكيمة لزوجها المغترب

مُساهمة من طرف ابو ابراهيم السبت يوليو 02, 2011 2:15 pm

معذرة.. لو معاك منى الكلام حـــــره
معليش الخطاب كاتباهــــــو مضطرة
حـــــــــــرام والله مننـــا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـــت مع البطان الهم للعيون غرة
بيخاف الغرق الغاص ورا درة
قالو أدب الصغار والعقــــدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالى محتضرة
وإنت الفى النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــــت لا عرفـــــــت ولا مرق برة


الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب


ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب


أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب


اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب


قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب


فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب


سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب


والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب


لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب


البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب


الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب


وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب


حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب


خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب


وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب


أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب
ابو ابراهيم
ابو ابراهيم
مديرالموقع
مديرالموقع

عدد المساهمات : 153
نقاط : 244
تاريخ التسجيل : 20/09/2010

https://jazera-aba.alafdal.net

الرجوع الى أعلى الصفحة اذهب الى الأسفل

رسالة زوجة حكيمة لزوجها المغترب Empty رد: رسالة زوجة حكيمة لزوجها المغترب

مُساهمة من طرف جبريل خميس محمد الإثنين يوليو 04, 2011 1:46 am

صمت دهرا نطق كفرا,,,,,,,اخى عبدالرحمن ما اروعه من تصوير واقعى ولكن أتألم لهذه المفردات<الشى المُهِم ماقٌلتو ليك وليهو ما ظنيت حسب:كِبرُو الصِغيرونين خلاص خايفالُن الطبع الكعب,وِصلوها مرحلة الخطر والامن مازال مستتب>
جبريل خميس محمد
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 47
الموقع : السعودية-الطائف

الرجوع الى أعلى الصفحة اذهب الى الأسفل

رسالة زوجة حكيمة لزوجها المغترب Empty رد: رسالة زوجة حكيمة لزوجها المغترب

مُساهمة من طرف ابو ابراهيم الأربعاء يوليو 06, 2011 10:01 am

جبريل خميس محمد كتب: ,,,,,,,اخى عبدالرحمن ما اروعه من تصوير واقعى ولكن أتألم لهذه المفردات<الشى المُهِم ماقٌلتو ليك وليهو ما ظنيت حسب:كِبرُو الصِغيرونين خلاص خايفالُن الطبع الكعب,وِصلوها مرحلة الخطر والامن مازال مستتب>




ده ما المجنن بوبي يادكتور
ومادام الامن مستتب قلنا احسن نكنكش قوي...
قبل ماتعم الفوضى ويحصل التمرد..ونقعد نقول ياريت
كسرة:
نصيحة ..اي واحد في الغربة عيالو معاهو..يكنكش قوي
ابو ابراهيم
ابو ابراهيم
مديرالموقع
مديرالموقع

عدد المساهمات : 153
نقاط : 244
تاريخ التسجيل : 20/09/2010

https://jazera-aba.alafdal.net

الرجوع الى أعلى الصفحة اذهب الى الأسفل

رسالة زوجة حكيمة لزوجها المغترب Empty رد: رسالة زوجة حكيمة لزوجها المغترب

مُساهمة من طرف جبريل خميس محمد الجمعة يوليو 08, 2011 3:06 pm

الله غالب يا عبدالرحمن نحن وقدرنا قدر قدُر....بس لازم نصبر...عسانا نتغير ويتغير هؤلاء الموجودون على رقابنا كأنهم سيوف مسلطة
جبريل خميس محمد
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 47
الموقع : السعودية-الطائف

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى