الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام

محمد الحسن سالم حميد-رسائل حميد من ست الدار بت احمد جابر2

اذهب الى الأسفل

محمد الحسن سالم حميد-رسائل حميد من ست الدار بت احمد جابر2

مُساهمة من طرف جبريل خميس محمد في الثلاثاء يوليو 05, 2011 11:32 pm

يالتموين أحزان ما جفًن,ضد ياعُمدة نسايمك هبًن,يا خواجة زمانك لبًن,ستة خرًفن وتيس إنصفًن,ستة خرفن فى فد يوم,الكتشينة..الودِع..البيرة..الهَدام..الزحف الحِيرة,الدهشان حدًر طاقيتو شان خواجة ادًاهو سِجارة,ودالخير ودًر يوميتو,وشوق شدًت ليها ست جرًاري,الناس فى الفيها,قُمار بى جِيهة,وطار بي جيهةومرة يِدعًن ومرة نديهة,وموسى الفطقة مُودٍر شبطو,وفوضة عكفة مع الخواجة,الخواجة يقوم وهو يصفٍق,يقعد طق..طق..طق,يدق طق..طق..طق,يرطن يسكت,عكفة يصفق,قام العمدة وشيهو إتغيًر,حمًر فيهو عيونو وطيًر,صفق عكفة العمدة إتحير,شيخنا محمد قالب حِسُو ليهو مكفكِف وحازم نُصو,حاج عثمان يتقندف ساكت,وكان اول يوم فى عمر الزاوية,إنه تقيل دون آذان,وإنه الناس ما صلٌوا جماعة,الناس فى الفيها:الخلًى قِرايتو,البيًت غنمو لِقوها يومداك,السابها سِقايتو,الرفض الطاعة,البِقى يتكفرًن كل رأس ساعة,تخُش صينية ورا صينية,أول كفُوا الخواجات,بعده العمده وصمد الساقية,الترجامة وناس أغرب,رئيس المجلس والمشروع,عُقب الطلبة وباقي الناس حتى الشُفع والحرٌوم,ستة خرفن وعيش مردوم,جات من صالِح بت كلتوم,تسكت تخبز طول اليوم لامن حرقت الدولاب,قنًبت المسكينة تدًعي:الله يصُرف الخواجات,الله يصُرف الخواجات
avatar
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 41
الموقع : السعودية-الطائف

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى