الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام


انضم إلى المنتدى ، فالأمر سريع وسهل

الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام
الجزيرة ابا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

محمد الحسن سالم حميد--رسائل حميد من ست الدار بت احمد جابر7

اذهب الى الأسفل

محمد الحسن سالم حميد--رسائل حميد من ست الدار بت احمد جابر7 Empty محمد الحسن سالم حميد--رسائل حميد من ست الدار بت احمد جابر7

مُساهمة من طرف جبريل خميس محمد الأربعاء يوليو 13, 2011 12:01 am

حاصل الحاصل يا بت احمد:جانا وفد للمصنع زائر,وكان الوفد ده امريكانى,لفً وفات اليوم التانى,جانا مدير المصنع فاير,وشو حمار العمدة العاير,وتفًه المصنع فيهو خسائر,قالوا يخفض ميتين عامل,ميتين عامل فى فد مرة,ميتين عامل يبقوا هوامل,ما يهموش...يهموا المصنع,تفًه قرارو وفات فى حالو,مسئولين ونقابيين مافى العارَض ولا إترجل,العمال من سمعوا إحتجوا,سيًروا موكب صامت صامد,إتلمينا معاهم وسِرنا,متجاوزين العرف السائد,ابو عران دوًر عربيتو,العربية الامريكية ساب الموكب ثابت,إحتجينا مع الإحتجً وإتكلمنا كلام موضوعى:قلنا المصنع حق الدولة والعمال أصحاب الحق,هى البِتقرر وبِتتولى,هى البتحدد سير المصنع,إيد العامل هى العاد تنتج مو المكنات الامريكية,وزيت العامل ياهو البِطلع مو المكنات الامريكية,ودرن الايدى العمالية أنضف من لسنات الفجَرة ودين الدقن الشيطانية,ومن كرفتة البنك الدولي وكل وجوه الرأسمالية وأشرف من......داك الحين المصنع هاج وجات عربات اللات بوليس,صدوا العالم بالكرباج والبمبان الامريكانى,شرقت شمس اليوم التانى كنا حداشر ونوباوية,متهمننا بالتخريب والتحريض وال...وال...والشيوعية,البوليس نابِح شيوعية وفاكِر نفسو بنبِز فينا,هيًا بوليس امك مسكينة؟؟ البوليس عمًدنى شيوعى والتحقيق طلًعنى مُدان,التحقيق طبعاً تحقيقهم او تحقيق الامريكان,اسبوعين عشناهم جوة,اسبوعين زادننا قوة,ست الدار ما تشفقى خالص,ست الدار انا يانى الزين,ست الدار سامعانى كويس,كل الهم ما يغشى الغم,بيتنا وراشد والتومات,وكل الناس الحالهم شاهد,ست الدار الشوق الواحد لى حِلًتنا وليكم ليكم وللإشراقة الفى عينيكم,وكل الناس الزولهم صامد,شوق وسلام الزين ود حامد,رُدٍي سريع باليد باليد,فى دورين موعود بشغَلة لمًت...لمًت كان ما لمًت,انا جاييكم وما ندمان,ونحن قبالك خت فى بالك,مافى شغل دون حُسن سلوك,وحُسن سلوك من ناس الامن...
جبريل خميس محمد
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 47
الموقع : السعودية-الطائف

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى