الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام

محمد الحسن سالم حميد--رسائل حميد من ست الدار بت احمد جابر9

اذهب الى الأسفل

محمد الحسن سالم حميد--رسائل حميد من ست الدار بت احمد جابر9

مُساهمة من طرف جبريل خميس محمد في الأحد يوليو 17, 2011 1:06 am

يا مضغوط خفض ميزك حِتتين شان تنكِ القعدة تلاتة خطوط,خفض مَرَتك توب مضغوط من البتمسحبو كبابى الصين,خفض امك ياابن الفانية وبى نضًارتك واجه ثانية عيون الشغالين,ثانية وبس,والله عمايل,ميتين عامل,ميتين بيت,ميتين أُسرة بلا راس خيط,ميتين اسرة ملوها جراح,ميتين اسرة حتولد صاح,ليكم يوم يااولاد الهرمة,ليش يالزين بتوصى علي وانا بت احمد ست الدار,ام اولادك وهم صغار وام اولادك وهم كبار,ياكا الزين ودحامد داكا,كان متوقِف ياكا الزين,وكان متوظِف ياكا الزين,وليش يالدخري توصى على,وعارف ام راشد والتومات مَرَتاً دغري وغلباوية,آه يالزين لو كنت معاكم كنت بقيت النوباوية,اسبوعين قضيتهم جوه,يبقي غصب زادنًك قوة,وما تهتم يالزين بالحاصل واصل سعيك واصل واصل,ما بيفتر العندو قضية,واصل سيرك,كان ماكنت الزين ودحامد,كان حيكون واحد غيرك,في صدفة لك يا انسان,نسمة تطولك فى الامكان,اجدع واحسن مما كان,ياتو مطرةً سوًت شو فرقوا غيمها الامريكان,ياتو رصاص ما عقبو خلاص,ياتو دِقن يالزين ودحامد,ياتو محن تمحى الاحساس لما تكون في الساس والراس,ياتو وطن يالزين ودحامد ياتو زمن دام للانجاس ياتو زمن دام للانجاس؟ساق ترابلتو راحو الجيش,قزً مكانه إتنين رطًانه,وفاقع كلهن يااسماعيل هو الفكًر لهم الشغلانة,يااسماعيل ماكان الجيش,شدًك بتلعب بالجبخانة,لو المجلس قبل اوراقك او في الثانوى لقيتلك خانة,لكن قَدَر يا إنسان بلدك ها صوت الجبًانة,وكانوا الناس التريانين ضلوا الله الما ضلًانا,اخدوا نور الحاج بالجد وباكر دور ما خشً عليها,وآخر يوم قطع التمرات الفوق راس بيتو الخلفاء شكوهو وما لِقوا حق,البرسيم طهرنا البارح,نعجة راشد صِبحت والدة,الحيضان سقناهن لوبى,التومات طيبات ونصاح,راشد طيب وانا طيبين,كل الناس يالزين طيبين,منشدة منك فى الافراح وفى الاكراه الزين الزين,ما تشغل بالك بس يالزين كان دُورتها مشورتى اصلو قتالك ياهو قتالك تجى مندلى,والواطة تراها بيجاي جاي تندبر حالك,ماالحاكومة الضاقت سِمًك عينها محل قبًلت قبالك,شورتك عندك,عندك شورتك والببقي لك الببقالك,هوي الزين حضن الطين ونقاوة الطوب مبعوتة لك عشرة جنيه,والاشواق من هِنى لا عِندك,ام اولادك ست الدار بت احمد جابر.
avatar
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 41
الموقع : السعودية-الطائف

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى