الحزن النبيل

الحزن النبيل
وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى في آخر المدى
فتيني يا هجعة مواعيدي القبيل
بعتينى لي حضن الأسى
وسبتينى لي الحزن النبيل
***************
ومشيت معاك..
كل الخطاوى الممكنة
وبقدر عليها .. وبعرفـا
أوفيت وما قصـّرت في حقك
ولا كان عرفة غيرك .. أصادفا
وقدر هواك يجيبني ليك
جمـّع قلوبنا .. وولـّفا
وكتين بقيتي معايا .. في أعماقي
في أعماق مشاعري المرهفة
لا منـّك إبتدت الظروف
ولا بيكى انتهت الأماني المترفة
ندمان أنا ؟
أبداً وحاتك .. عمري ما شلت الندم
ما أصلوا حال الدنيا ..
تسرق منية في لحظة عشم
ندمان أنا؟
وأنا عندي ليك كان الفرح
رغم إحتمالى أساكى يا جرح الألم
وكان خوفي منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمري ما شلت الندم

رحم الله مصطفى بقدر ماقدملمكتبة الاغانى السودانيه وتشكر اخى على هذه المساهمه التى اراحة النفوس