محمد الحسن سالم حميد

آه ياغبش ما عندي ليكم غير نغيم....برجوهو ينفض لغبار زمن الكتاحه يهد عرجون صبر الغلابة الطال.....آه يانورا آه....ساعة الشموس الغر تهضلم تلحق الصح في المغارب يستر الضو الكهارب....تستر المدن الضبابية السرابية الكآبة حائط التيه والطشاشات فوق قفيك.....يا أم عوارض مو دعاشة ماها شبورة وتقيف.... جاي ليك يانورة غيمة تملي ماعونك خريف يملا عينيك ويفضل....جاي ليك يانورة آفة آفة للسوس البنقر عود عشيما داخرو فيك....أصلي لمن أدور أجيك بجيك لا بتعجزني المسافة لا بقيف بيناتنا عارض للظروف تمسك بإيدي ولا من الايام مخافة... يا نفس فجر القصايد ما ضهب في بعدي عنك راضي باليجيني منك... ما شكيت شح الليالي....وما بكيت نح شلتو حالي...رغم إنو الحال بيفضح إلا كنت في الحارة بصرخ ياوطن عز الشدائد..ياوطن عشق الشدائد