محمد الحسن سالم حميد-آه ياغبش
صفحة 1 من اصل 1
محمد الحسن سالم حميد-آه ياغبش
آه ياغبش ما عندي ليكم غير نِغيم برجوه ينفض لغبار زمن القسا.....الكتًاحة يهد عرجون صبر الغلابة الطال....يحِت يخرت....تباريح الاسي الممدود فوق نور الدغش.... يانورة آه يحرد كنائسنا المسيح....يعرش مدارسنا الصدي....ييبس يباس حلق العصافير الوديعة من البكا....إندردر الفجر الصبوح....يحمى الزهيرات الندى...تختا الدراويش الضريح....يسكن خلاوينا الجنون....يهجر جوامعنا الاله.....يا نورة آه تطرح غيم الشوق تئِن....تشرًق تموت خيل كلمة الحق التناهد في الشفاه...يعقر بسيمة الصح مع لوبي الجروف....تغرز ضريعات الحروف...ينشف مراح الامسيات.... تتمطق الارض المروق والاغنيات اللي الشروق...والارض والحب والمطر.... تضهب تتوه,,,وكتين يضيع عرق الجباه الشُم شمار في مرقة آه يانورة آه من دربِك التَور نفس خيل الصبر....فتَر خطاوى الشوق وراه يا نورة آه ساعة الشموس الغر تهضلم تلحق الصح في المغارب تدفر الضو الكهارب...وفى وشيك تدفر المدن الضبابية السرابية الكآبة...وحائط التيه والطشاشات فوق قفيِك.... يا ام عوارض مو دعاشة ماها شبورة وتقيف....جاى ليك يا نورة غيمة تملأ ماعونك خريف....يملأ عينيك ويفضل يروى جواك العطاشة...مو دعاشة يا مطر عز الحريق يا مصابيح الطريق...يا المراكبية البتجبد من فك الموج الغريق يا الجزاير النتحوبيا لما إنشعوز بحرنا ...يا المراسي النتحوبيا لما إنشعوز بحرنا...يا نشوق روحنا ودمرنا يا المحطات الحنينة القصَرت مشوار سفرنا...ياما شايلك بيني حايم أيوة شايلك بيني حائم....في الأرض تكوين قضية في السماء الأحمر غمايم بي برد نغما السلامي... رطبت حلق الحمايم...طنبر النخل التبلدي راقص الابنوس وصفق...لعبت الصقرية موجة خلت النيل هاجلو هوجة بشرت بالخير بلدنا شالت الشبال نسائم
جبريل خميس محمد- مشرف صحتك والاسره
- عدد المساهمات : 161
نقاط : 291
تاريخ التسجيل : 22/05/2011
العمر : 47
الموقع : السعودية-الطائف
مواضيع مماثلة
» محمد الحسن سالم حميد--رسائل حميد من ست الدار بت احمد جابر9
» محمد الحسن سالم حميد--رسائل حميد من ست الدار بت احمد جابر1
» محمد الحسن سالم حميد-رسائل حميد من ست الدار بت احمد جابر2
» محمد الحسن سالم حميد--رسائل حميد من ست الدار بت احمد جابر3
» محمد الحسن سالم حميد
» محمد الحسن سالم حميد--رسائل حميد من ست الدار بت احمد جابر1
» محمد الحسن سالم حميد-رسائل حميد من ست الدار بت احمد جابر2
» محمد الحسن سالم حميد--رسائل حميد من ست الدار بت احمد جابر3
» محمد الحسن سالم حميد
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى