محمد الحسن سالم حميد--الضو وجهجهة التساب8

وطيرة البقر في الجو تغيب دلًت من الكازوم دبيب,وإنكاتلن فى آخر التمر:كلبة مدينى ,نِعيجتا,ديك العجوز وكديس عماد وحمارتو والدحش الغريب,ودحيشو فوق قوز الرماد,عكًمنا فينا من الغلي وعيشة الجلاجل والشتات,والسكر العيش السماد الموية اولي من العباد؟وبالفيتريتى العيش حكم الموية اولى من البكم؟ولمًس دحيشو الضو بكى بكى ما بكي بكًاهو حِس الطائرات,بكًاهو قُدرتو تنتهى,بكاهو يرجى المعجزات,بكاهو قولة الموية أخف وأقل من كم وأربعين,بكاهو كضًب حاستو وصدًق امير المؤمنين,بكاهو ما رمى للكُريق زاغ فى اوائل النازحين,مع إنو أدنى الناس شتول,وأخف سُكنة وأقل طين,إنضرً أكتر منهم,لكنو ما ندمان يمين:بيتو اليروح,عفشو اليروح,غنمو التروح,ما طال عايش فيهو روح,وأمونة نفدت بالعوين,في اللُجة يفضل كالسفين,أفضل له من جرح النزوح....ولمًس دحيشو... الضو بكى بكى مابكى بكاهو يرجع لا ورا