محمد الحسن سالم حميد--رسائل حميد من ست الدار بت احمد جابر4
صفحة 1 من اصل 1
محمد الحسن سالم حميد--رسائل حميد من ست الدار بت احمد جابر4
إحنا نُصاحا زى واطاتنا,نحن نصاح إلا القرًاص والتجار والحاكم البحكم كل صباح,الشتلات اللافوق قبضن,الحملان كِبرن بلحيل,العضمين الروكة إنزرعن,الحوضين النالة إنقلعن,البنطون صدوبو الورشة,والمتعهد جاب فلٌوكتو,والعمال سوولهن دوشة,هو يخرٍب ليه,والمعدية الكان طرًادة بالفلوكة الليلة جنيه,المحجوب ينشِد من خبرك,وشافعو محسٍب من يومين,التومات طيبات ونصاح الا هباش بلحيل الزين,وكل الدنيا مدودى ملاريا,أى بشر يخدم صايده,وخلق الله طول ليلها مساهرة,حمى الشارع من تبدأ,من راس داك تُلُب فوق ده,وياالمستشفى زباينك زفة,والاهمال وباعوضة تنقٍر,ورقٍد خرٍج,وخرٍج رقٍد,خمسة حقن بندول ودِرِب,وباكر ترجع طِب ما طب,حمى غريبة والاغرب وين,قامت ندوة قبل يومين وكان يالزين راي ناس الدين,انه قدر مكتوب لو يصيب,نطرا الله يختانا قريب,قالوا أُكلوا زبيب..بيض..كبدة..حليب...قالوا أُكلوا التين اكلوا الزيتون ورُشوا الحشرات واشربوا عرديب,وكل الحسبوك باكر جلبوك جابوك من وين؟شُفنا التين وشفنا الزيتون كرتون كرتون زي طور سنين,عِلب البف باف أصناف اصناف والمطعم جيب بيض..كبدة..حليب,جِنس اساليب جنس الاعيب,بعدين يالزين بعدين لمتين,لإيلاف قريش تملانا أريتى بنوك العيش,تملانا فقٌر نرقد شِقيش بي غادى كِتِر بى جاي الديش,معقول ده غضب معقول ده الدين,صلوا مصلين,زكوا مزكين,أصبروا صابرين,قصرنا في إيش يارب معليش,ده قدر معقول ده الدين,معقول يالزين؟؟؟
جبريل خميس محمد- مشرف صحتك والاسره
- عدد المساهمات : 161
نقاط : 291
تاريخ التسجيل : 22/05/2011
العمر : 47
الموقع : السعودية-الطائف
مواضيع مماثلة
» محمد الحسن سالم حميد--رسائل حميد من ست الدار بت احمد جابر5
» محمد الحسن سالم حميد--رسائل حميد من ست الدار بت احمد جابر6
» محمد الحسن سالم حميد--رسائل حميد من ست الدار بت احمد جابر7
» محمد الحسن سالم حميد--رسائل حميد من ست الدار بت احمد جابر8
» محمد الحسن سالم حميد--رسائل حميد من ست الدار بت احمد جابر9
» محمد الحسن سالم حميد--رسائل حميد من ست الدار بت احمد جابر6
» محمد الحسن سالم حميد--رسائل حميد من ست الدار بت احمد جابر7
» محمد الحسن سالم حميد--رسائل حميد من ست الدار بت احمد جابر8
» محمد الحسن سالم حميد--رسائل حميد من ست الدار بت احمد جابر9
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى