محمد الحسن سالم حميد--الضو وجهجهة التساب1

وداهو فوق قوز الرماد كان ظنو يوم يومين تلاتة الموية تنزل والبحر يشرد شراد يصبح ترا يبراهو بالسلٌوكة من ورا....والعيوش والخير يعم يرقد رقاد والناس تخم خم السرور وماهو البرا....ناسا كتار فاكرين كدى يومين تلاتة الحالة ترجع حالتا ويبنوا البيوت هو وشُفعو وام الولاد وينجمعو ويسترجعو الذكري وشتاتات السواد في صالتا....شيتا ضحك...وشيتا بِكى ويبقي الخراب ده رهاب رهاب عِبرة وحكاوي بتنحكي.......بلدك متِل كمين بلاد بدت الدقون فيها الختا نجس ثراها المسرفين...كترت مواعين الفساد وكان كلمة الاسلام غُتا...جات اللت الله وشالتها .... كان ظنو يوم يومين تلاتة مشى السبوع والتانى جا والموية كل ما ليك تزيد ويقل رجا....وقوز الرماد الكان قِريِب فات بعيد بقي مابتخوج قوز الرماد يا الضو فضِل جزيرة ضارب فيها موج....حصار حصار كيف النجا