الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام

محمد الحسن سالم حميد--الضو وجهجهة التساب3

استعرض الموضوع السابق استعرض الموضوع التالي اذهب الى الأسفل

محمد الحسن سالم حميد--الضو وجهجهة التساب3

مُساهمة من طرف جبريل خميس محمد في السبت يونيو 11, 2011 1:35 am

فيق لا تضيق....بات الفريق بهجة ومتمسحة بالمي وين يالضو نقاقير الهنا....وينن مشاوير الفرح غزل البنات الهودنة....حش البراسيم العصر الليل ونستو الشيطنة وعند الفجر كم ميضنة...وهذر التلاميذ الصباح بي جنب رواكيب الحلب يالضو بيوت الناس حياتنا مبشتنة....الحلة كلها في البحر كسر البحر واللا انتحر قلب المياه وإنكًب,قبلك وحًدك ضاداك في بلدك شرًدك....نفدت قوافل الاغنياء وجملك علي الضانقيل برك....مرتاح حمامن في البروج وإنت اب حماماً طاش يلوج ما سوى عش لا ركً رك....دي الدنيا كيف متقلبنة....تصحي العصافير الوديعه مع الصباح متخلقنة...شر الكلاب متمسكنة وين جنرتا وهوهيوا وين الليلي غاب....كلب الجناين زيو زي كل الكلاب....كلب الغلابة المُستغًلين العبيد الليلة سيد ريِس مهاب...كلب ابزهانة تهينو هانة من المهانة تقولو تك....حكم إنقلابات التسابات...دوارة دنيا فرندقس ننجاري فيها صبق صبق...نخسر بعض في هين تراب ...نتلاوي عند فتح اللبق...فاكرين برانا اهل العقاب...تاري البحر عوافي عندو معانا حق...دى الدنيا زي سكرة وتفك من رأسو فك
avatar
جبريل خميس محمد
مشرف صحتك والاسره
مشرف صحتك والاسره

عدد المساهمات : 161
نقاط : 291
تاريخ التسجيل : 22/05/2011
العمر : 41
الموقع : السعودية-الطائف

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى