محمد الحسن سالم حميد--الضو وجهجهة التساب18

حِس أمها المهرية هم,يجى من بعيد يجى منتكي,يا أمونة بِتى شن الشكى,جاييك ملكلك من تِحت,يا امونة تانى تلكلكى,ما حاشو فى الطين الرُخس إنحاش فى ارض مكركى,حرمان عليكِ تقولى لا,مجبورة يا خادم الفكى,مجبورة إنتِ على الصلاة,ولا تأذى جرحو تحكحكى,وجاييك ملكلك من تحت يا امونة تانى تلكلكى,شيلي الحرف داك رشرشى,قوم يا عشاى قوم للعشى,قوم وانتكى وقام وإنتكى,ويلقى الحسن فى صفحتو وقدام وشى,إنجيت بلدنا إنكسرت؟؟ أي الحسن...كسرها البحر؟؟ أي الحسن.... يابا:البحر ده بحر بلدنا؟؟ أي الحسن...الزول يكسٍر بلدو؟؟؟ والضو سكت,طقطق اصابع ولدو فِس إنقلس,فس انقلس,يابا المدارس إندمرًت؟صاح والجوامع إتكسرت؟أي الحسن...يابا الجوامع هيل منو؟ هيل الله...نوم,حتًى المدارس حقتو؟؟لا لا المدارس حقًت الحيكومة...نُوم,هو الزول يكسٍر حقو كيف؟والضو يطلوحبو إندهاش ما يِلقى قيف لا بانلو بًر,وامونة صوتها من البعيد:نُوم يا قشر,صح يابا فى الجامع:جا تمساح إنبطح؟؟؟أي الحسن...ياباالتماسيح مسلمين؟؟لا ,مجرمين:لابسين دقون,شايلين سِبح,ما تضربوهن بالسلاح وتكًتلوهن تاح تراح,والضو سرح وامونة صوتها من البعيد حلِقها إنجرح:نُوم يا قشر نُوم قبل أجيك,يابا البحر ده ولد منو؟ ود المطر.... ويابا المطر؟؟؟بت السحاب....ويابا السحاب؟؟؟ خير للبشر....ويابا البشر؟؟؟هول ربًنا...وامونة تجري من البعيد,يقطع كلامو وتنحسو,تجبد أضانو وتقرصو,لا تقلدو,جيب القشر ده على رفاقتو نرٍقدو,امونة هزتا تمقسو,,انا داير انوم في صدر ابوى شان البحر,وقام إنحشر في صدر ابوهو وحدًثو:فى مرًة جونا رجال كُبار...كُبار,غمتولى في إيدى قروش كُتار...كُتار,امونة شالتها فنًتها,الراجل أب دقناً كبير سبًالها دنقًر لقًطها,وانا قُم بكيت,امونة فكًت صُرًتها وادتنى صندوق بسكويت,بعدين سكت.امونة قامت شو بكت,وتلفح نعالا وتفلعو نوم يا قشر نوم قبل اجيك,انا داير انوم فى صدر ابوي شان البحر

يا ود خميس..ألنسعلك..النبى فيك أِت شايقى؟

ما شايقى لكن بحِب شعر الشوايقة حبا جما وبصراحة هم أروع من يكتب الشعر الواقعى فى هذا البلد المترامى الاطراف