محمد الحسن سالم حميد--رسائل حميد من ست الدار بت احمد جابر5

معقول يالزين؟أنا اقول قول بت حمدين,يوم لقت القش مسروق حوضين,قالولها قدر يا حاجة إرادة,قامت فجر هاجت يااولادها,نعم نحن عبادة,ايوه الله اراده,لكن ده اثر يبقى بشر,ما معقول شايلالها يمين مع الله فى زول والزول بين بين,ما إتونست معاك يالزين,ست الدار اخدت لها دقسة,حال الناس الما دار ترسي,كيف عاد تصبح وكيف عاد تمسي,وليك يالزين واسمعنى,ما لميت فى بيت يجمعنا,هاك يالزين قبال ما انسي,خاتِ اللوم قايلا لك ما تنسي,العروب يقروك سلامن,من عامنوًل ما جانى غمامن,أختك قالت جاي متين,كيف اخبار المغتربين؟ المدة يالزين طالت...طالت,واى إنسان النار صالها,هيا الزين زغرد ما قلت لك بت ام زين جابت لها بت,ست اولاد حتان البت,الله يبعد العارض تعال,كان بالخصم انشالله تعال,كان فد دور يدوك تعال,وما تتوصى وداعة الله,أوعك تشفق وما نبقالك مشغولية ,زيك واحد مستورين وما ناسين المسئولية,أوعه الحيكومة السمها فاير,ام اولادك ست الدار بت احمد جابر