الجزيرة ابا
,¸¸سبحانك اللهم وبحمدك, أشهد أن لا إله إلا أنت أستغفرك وأتوب إليك¸,

مرحبا بك فى منتدى الجزيره ابا



تحباتى المدير العام

طرائف حنديبو: بقلم ادم صيام

استعرض الموضوع السابق استعرض الموضوع التالي اذهب الى الأسفل

طرائف حنديبو: بقلم ادم صيام

مُساهمة من طرف cnoc في الأربعاء يناير 18, 2012 1:11 pm

يتناهى إلى مسامعنا أصوات طرق عنيف على باب الشارع، يهرع حيدر ابن خالتي إلى الباب الخارجي ، يفتح الباب، فيفاجأ بشخص في ثياب رثة بمعية كلب عليه الكثير من علامات الزينة والإشارات.
يسأل : ده بيت الأستاذ ؟ فيرد عليه حيدر نعم.
وينو؟
تفضل أدخل .
أنت الأستاذ؟ نعم ، تفضل أجلس.
لا ما بقعد قبل ما عنتر ده تجيبو ليه كرسي يقعد أولاً!
لازم يعني؟
أيوه انت عارف كلبي ده أهم من القاضي بتاع الجزيرة، بعدين دقن القاضي ...... البيضة دي .. قايمة لي في أباطي!!
يردد:
جزيراب يا إسكراب
تودوا الجداد السوق وتاكلوا الويكاب
يجلس الضيف الذي هبط علينا من السماء ، يشرب الماء ويدلق نصف الكوب في جلبابه، ثم يأخذ نفس .
الأولاد قالوا لي ده بيت الأستاذ ، إنتو ليه الأولاد ديل ما بتربوهم؟
كده دقيقة إنت منو؟
أنا حنديبو ما بتعرفني؟؟؟
جزيراب يا إسكراب
تودوا الجداد السوق وتاكلوا الويكاب
هـــــــــــا ! حنديبو ! أيوه أيوه.
أولاد طيبة طردوني لحد أبو دلي ـ وأولاد أبو دلي طردوني لحد ود رشوان، وأولاد ود رشوان طردوني لحد الحلة الجديدة، وأولاد الحلة الجديدة طردوني لحد دار السلام ، الكلام ده كويس منك؟
جزيراب يا إسكراب
تودوا الجداد السوق وتاكلوا الويكاب.
لا والله عيب وعيب كبير . حيدر ؟ بالله سجل الأولاد الملاعين ديل وجيبهم لي بكرة في الطابور.
لا يا أستاذ ، لازم تقدموني لحد الغار .
ليه يا حنديبو؟
عشان أولاد ميدوب ديل ملاعين، وأولاد لزينا .
طيب
جزيراب يا إسكراب
تودوا الجداد السوق وتاكلوا الويكاب

cnoc

عدد المساهمات : 35
نقاط : 105
تاريخ التسجيل : 16/03/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى