قصائد الزنادقة محمد طه القدال

وكبس الهم علي والحال قبض يا السيد.....وغبنا فيٌ كج وكتاتو جنبي معيًد..... مو جنا تجيب سلسل جنازرو تقيًد بلا غيبوبة البلد النصيح ونصيًب..... وقلنا تلاتة ودالنوق وديك وعتيد وقلنا نكمل الفرض العلينا نشيًد مشينا عليك يا المحبوبة شوقنا يأيد بقينا ضهابة متل الزول ضرير وقليًد....ودالنوق ده بالكير العليهو يشفًق وبقي يتباطأ في خفة مشيتو يلفًق وإن جاهو العلوق صيحة نفاقو تنفًق أصبح جضوي كل ما شافلو سلقة يصفًق....وديك الجن رفيق همي وغناي وفني ...سوا طريقو في نوحو وصبح متهني ما هماهو باسط مية سكرة ينًي كل ما شافلو زفة جديدة فوقها يغني...ويا عتيًد الرماد نط الحيًط بالزانة تفضي الخانة تلقي جنابو سيدا خانها فارش دارو لاسيادو بيت كرخانة غافل ضبحة الفجر وجري السلخانة...يا حميًد اقيف شوف الخلوق محنانة كفكف دمعتك والعبرة فووت خنقانها عسلك سال بحر فوقو النحل ونانة ويات من ضاق غرف يأزاك دبابير دانة