مرحبا

السلام عليكم ورحمة الله تعالي وبركاته احييكم اهل الجزيرة ابا واقبلونى ضيفا عزيزا لديكم....انا هيثم محمد حامد --طبيب مقيم بالطائف- السعودية--خريج جامعة امدرمان الاسلامية---الاصل:عطبرة....الاسرة مقيمة فى الامتداد الخرطوم من زمن بعيد....وعشقت الجزيرة ابا واهلها من خلال صديق عزيز عندى جمعتنى به المملكة العربية السعودية....وتقبلوا احتراماتى

مرحبا الرفيق العزيز هيثم فى دارك العامرة الجزيرة ابا مفخرة الشعوب ومقبرة الجدود....إنها ابا التاريخ والريادة ....والبيت بيتك يا ولدنا

يا طبيب السيارات سلام:تُري تعالج السيارات الطُفلان ام الكبار,الذكور ام الإناث,الحُبلى أم اللائى لم يتزوجن بعد يعنى العزراوات,والله حلوة طب الميكانيكا دى,يا......الله يجازى مِحنَك

شكرا وصيتك وصلت وانا كُرهتى فى الدنيا الحديد الهكر....لكن طالما فى دكاترة عالجوا عربات ليبيا سابقا والسعودية حاليا ....الواحد ما شايل هم للهكر والله يكتر من امثال ابو حواء أخوان

كيف الاخوه الاعزاء لقد انقطعت لفترة من المنتدى العامر تقبلو تحيات الاخوة بشرى اسماعيل حمدون وياسر الكى واى والاخ محمد عبده

تحاياك وصلت اخى نجم الدين,إنها سنة الحياة غياب وحضور متى ما سنحت الفرصة ورمضان كريم وربنا يتقبل الصيام والقيام

أخونا أبو إبراهيم ..حبابك ألِف و مرحبتين قدُر ما يقرو فى يس ..معليش جات متأخرة نسبةً لِعلل نقولها فى حينها..و إتشرفنا بألمعرفة

هاكذا دوما هم ابناء ابا تجدهم فتعرفهم فيربطك بهم عشق وحنين