ادم صيام

18-03-2008, 04:32 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: Luay Elhashimi)


الجزيره ابا ارض الحب ..الفقر..الثوره والمرض..
ولدت بها في حي العقليين ولا زلت اولد في كل ذكري..
التحيه ل عثمان بشري..


عزيزي لؤي سلامات يا الحبيب

نحي العقليين ماحيت ******* جمال ديارها الشمس
وما قامت لنا في مس ******* جدٍ صلواتنا الخــمسُ

شكرا للحضور والتوثيق
(عدل بواسطة آدم صيام on 10-04-2008, 03:03 ص)
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 10:07 م

M A Muhagir


تاريخ التسجيل: 13-07-2005
مجموع المشاركات: 2295






Re: جـــــــــــزيرة أبـــــــــا ....عقلاء....بهاليل...وظرفاء..... (Re: Luay Elhashimi)


لؤى سلامات

اسمع انت من عايلة الهاشمى المعروفة فى الجزيرة ابا?
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



18-03-2008, 04:37 م

M A Muhagir


تاريخ التسجيل: 13-07-2005
مجموع المشاركات: 2295






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


الاخ ادم صيام

تحية طيبة

واصل هذا التوثيق الجميل

ح اجيك بالتعليق بعدين.

بالمناسبة دى راجع الماسنجر بتاعك.

شكرا

محمد مهاجر

الجزيرة ابا حى الرحمانية جنوب شرق (الحوطية)
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



18-03-2008, 04:42 م

Adam Mousa


تاريخ التسجيل: 15-09-2007
مجموع المشاركات: 1314






Re: جـــــــــــزيرة أبـــــــــا ....عقلاء....بهاليل...وظرفاء..... (Re: M A Muhagir)



Quote: محمد مهاجر

الجزيرة ابا حى الرحمانية جنوب شرق (الحوطية)





الاخ محمد على مهاجر انت يا أخوى شقيق عبدالرحمن على مهاجر ولا ما ياكا..؟؟
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 03:51 ص

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: M A Muhagir)



Quote: الاخ ادم صيام

تحية طيبة

واصل هذا التوثيق الجميل

ح اجيك بالتعليق بعدين.

بالمناسبة دى راجع الماسنجر بتاعك.

شكرا

محمد مهاجر

الجزيرة ابا حى الرحمانية جنوب شرق (الحوطية)


حياك اللهحياك الله باشمهندس مهاجر
يا زول الرحمانية دي ما وقعت لعزيز في مربوطتو تب.
في انتظارك ما طول أخي
حاضر براجع المسنجر والمكنة السنجر
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



18-03-2008, 04:51 م

esam gabralla
تاريخ التسجيل: 03-05-2003
مجموع المشاركات: 4506






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


ادم كديت

حكى ممتع ... والقارئ بين ضحكات و سطور و ماسي الحكاوى دى ملامس لروح و لقلب الجزيرة

ما زرتها ابدا للاسف رغم ترددى الدائم على كوستى ، اخوى و ودعمى مره مشوا عرس عندكم، سالتهم العرس كان كيف؟ قالوا لى " الشكلة كان فيها حفلة!!!!"

و تكفي معرفة النبي محمد احمد صباح الخير "البروف"
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 04:30 ص

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: esam gabralla)



Quote: ادم كديت

حكى ممتع ... والقارئ بين ضحكات و سطور و ماسي الحكاوى دى ملامس لروح و لقلب الجزيرة

ما زرتها ابدا للاسف رغم ترددى الدائم على كوستى ، اخوى و ودعمى مره مشوا عرس عندكم، سالتهم العرس كان كيف؟ قالوا لى " الشكلة كان فيها حفلة!!!!"

و تكفي معرفة النبي محمد احمد صباح الخير "البروف"


أخي عصام جبر الله سلامات وتحايا
أنت محظوظ أخي، النت يجيب ليك الجزيرة في خشم بيتك
الشكلة قال! الشكلة ببطلو ليهاالسفرأخوي!
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



18-03-2008, 04:56 م

M A Muhagir


تاريخ التسجيل: 13-07-2005
مجموع المشاركات: 2295






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


الاخ ادم موسى

سلام

لا.فانا محمد عبد الرحمن مهاجر وليس محمد على مهاجر.

فى الحقيقة هنالك 3 اسر فى الجزيرة ابا بهذا الاسم. وكل اسرة لها امتداداتها فى المدن الاخرى مثل كوستى, ربك والخرطوم.

الاولى فى حى الحوطية
الثانية فى حى مهادى
والثالثة فى حى تامة

والاسماء احيانا تتطابق تماما كما هو الحال عند كل اهل الغرب.

تحباتى
(عدل بواسطة M A Muhagir on 20-03-2008, 08:48 ص)
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



18-03-2008, 05:03 م

M A Muhagir


تاريخ التسجيل: 13-07-2005
مجموع المشاركات: 2295






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)



Quote: و تكفي معرفة النبي محمد احمد صباح الخير "البروف"


الاخ عصام جبر الله

سلام

البروف (زميل دراسة) من الناس الممتازين جدا
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 04:22 ص

AMNA MUKHTAR
تاريخ التسجيل: 31-07-2005
مجموع المشاركات: 5716






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


الأخ العزيز آدم صيام..
حقيقى ازدان البورد بمقدمكم الميمون( شفت البكش ده كيف؟ )

بوست توثيقى ..وطريف..مع ان من الصعب انو تتلمى الصفتين ديل فى بوست..!

طبعا لم يسبق لى زيارة الجزيرة ابا..مع انى عندى فيها من أهل الوالدة
الجماعة الانصار على السكين..هداهم الله..

واصل ..متابعين..
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 04:41 ص

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: AMNA MUKHTAR)


العزيزة الوريفة أمونــــــــة
تشكرات كتيرات على المرور الميمون والتقريظ الزيتون


Quote: الأخ العزيز آدم صيام..
حقيقى ازدان البورد بمقدمكم الميمون( شفت البكش ده كيف؟ )

بوست توثيقى ..وطريف..مع ان من الصعب انو تتلمى الصفتين ديل فى بوست..!

طبعا لم يسبق لى زيارة الجزيرة ابا..مع انى عندى فيها من أهل الوالدة
الجماعة الانصار على السكين..هداهم الله..

واصل ..متابعين
..

نص حياتك ياآمنة ضايعة كان ما زرتيها
ناس كوستي وربك وسنار وكنانة وعسلاية برحّلوا ويولمو عندنا ويشيلوا المنقة والجوافة ويرجعوا.

_____________________________________________________
أرجو من الجزيراب رفـــد البوست بالصور والمشاهد ما أمكن
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 04:42 ص

Tragie Mustafa


تاريخ التسجيل: 29-03-2005
مجموع المشاركات: 35656






Re: جـــــــــــزيرة أبـــــــــا ....عقلاء....بهاليل...وظرفاء..... (Re: AMNA MUKHTAR)


العزيز آدم صيام


Quote: إلا أنصارك جفلوا

عادل لكن جنس الرجم بتاعكم ده يا آدم ما يجفلوا كيفن؟؟؟
يازول انت جيت ونكشت ناس الجزيرة آبا كلهم
اهو اخونا كبر ده اولا مرة ينطق في هذه القصص كثر
خيرك اثرت شهيته للتوثيق و الحكي الموجع.


واصلوا يا شباب..متابعين.
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 06:34 ص

abubakr salih


تاريخ التسجيل: 27-12-2007
مجموع المشاركات: 2008






Re: جـــــــــــزيرة أبـــــــــا ....عقلاء....بهاليل...وظرفاء..... (Re: Tragie Mustafa)


الاخ آدم صيام
صور بديعة من الحياة فى ابا، ما شاء الله على الزاكره الفتوغرافية
انحنا حضرنا حنديب برضو و كان بجينا فى المرابيع بس على ايامنا حنديب اٍستبدل الكلب بقرد ككو حليمة، كذلك بالله ما تنسى بعشوم... و دنقليا

و كذلك ابكر حمد الرجل الذى لازال يقنع البعض بأن الامام الهادى حى و انه قد زاره قبل صلاة الظهر و الامام جاء بى طيارة "اطرش" اى يقصد طيارة كاتم صوت و الله دى مخترع الطيران ما فكر فيها فالرجل واسع الخيال.
و كما قال جبر الله فالجزيرة انجبت احد الرجال المميزين: محمد احمد صباح الخير الشهير بالبروف فهو نبى عديل او على الاقل ولى من اولياء الله الصالحين.
شكرا تانى
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 12:33 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: abubakr salih)



Quote: الاخ آدم صيام
صور بديعة من الحياة فى ابا، ما شاء الله على الزاكره الفتوغرافية
انحنا حضرنا حنديب برضو و كان بجينا فى المرابيع بس على ايامنا حنديب اٍستبدل الكلب بقرد ككو حليمة، كذلك بالله ما تنسى بعشوم... و دنقليا

و كذلك ابكر حمد الرجل الذى لازال يقنع البعض بأن الامام الهادى حى و انه قد زاره قبل صلاة الظهر و الامام جاء بى طيارة "اطرش" اى يقصد طيارة كاتم صوت و الله دى مخترع الطيران ما فكر فيها فالرجل واسع الخيال.
و كما قال جبر الله فالجزيرة انجبت احد الرجال المميزين: محمد احمد صباح الخير الشهير بالبروف فهو نبى عديل او على الاقل ولى من اولياء الله الصالحين.
شكرا تانى


العزيز أبو بكر صالح
تحياتي يا رجل
أتاريك قديم!
عليك الله كان مانزلتوا لينا قصص البروف ده.
يا أخوانا ما تسقطوا تاريخ علامة زي ده.
لكن الطيارة الطرشاء دي! مدفع دلاقين عديل
دم بخير
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 12:26 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: Tragie Mustafa)



Quote: عادل لكن جنس الرجم بتاعكم ده يا آدم ما يجفلوا كيفن؟؟؟
يازول انت جيت ونكشت ناس الجزيرة آبا كلهم
اهو اخونا كبر ده اولا مرة ينطق في هذه القصص كثر
خيرك اثرت شهيته للتوثيق و الحكي الموجع.


واصلوا يا شباب..متابعين.



أم حازم حيـــاك على المرور،
والسرور
نكشتهم وين؟
ديل فلاسفة الجزيرة أبـــــــــا بس
ستي تون
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 12:52 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


الله ليهم عيال جزيرة أبا
في مدينة سبها ليبيا
حي المنشية
كان لهسع
ببلوا في آبريهم
بعوسوا في عصيدتم
تحت شجرة التين ديك
والصادق فشر يهاجمهم بالشطرنج كل ويكنـد!
واطاتــــــــــــم صبحت!!
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 05:46 م

Tragie Mustafa


تاريخ التسجيل: 29-03-2005
مجموع المشاركات: 35656






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)



Quote: الله ليهم عيال جزيرة أبا
في مدينة سبها ليبيا
حي المنشية
كان لهسع
ببلوا في آبريهم
بعوسوا في عصيدتم
تحت شجرة التين ديك
والصادق فشر يهاجمهم بالشطرنج كل ويكنـد!
واطاتــــــــــــم صبحت!!

الله يديك العافيه يا الطاريهم في صحوك ومنامك.
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



19-03-2008, 06:16 م

Adam Mousa


تاريخ التسجيل: 15-09-2007
مجموع المشاركات: 1314






Re: جـــــــــــزيرة أبـــــــــا ....عقلاء....بهاليل...وظرفاء..... (Re: Tragie Mustafa)


عمك أبكر حمد طبعا عندو تفسيرات براهو للنصوص الدينيه.. قال:
تعرفوا الماهيه(المرتب) حرام !!! ليه يا مولانا؟؟ لأنو الله زاتو قال (وما هى الا نار حاميه)..
...
قال انتو آرفين (ساوى) دى سموها ساوى ليه؟؟ انتو ولا تأرفو سيدنا نوح؟؟
أسلو ولدو قال (سأوى الى جبل يعصمنى من الماء) فى محل ساوى ده ترى!!!
....
ونواصل.....
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



20-03-2008, 08:59 ص

M A Muhagir


تاريخ التسجيل: 13-07-2005
مجموع المشاركات: 2295






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)


up
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



20-03-2008, 12:28 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: M A Muhagir)


الزمان الخامسة صباحاً من كل يوم
المكان موقف بصات الخرطوم زاوية السرايا الشمالية الغربية
يتناهى إلى المسافرين والخارجين من جامع الكون مصحوبين بأواني مياه الراتب، وفلول الضاربين في سوق نربو حجر الدغش، صوت مقرئ رخيم مفعم
وسيييييييييييييييييييق الذين كفروا إلى جهنم زمرا ..............................
ثم يقطع المقرئ تلاوته ليطلب من المارة شوية ملاليم، بعدها يقدم نصيحته لامرأة عابرة
: الأنصارية! الأنصارية! قفتكك ده بقع أختي!
وفي الصحن العامر شرق جامع الكون أوراق بيضاء كأنها الثلج انتظمت كل الصحن ، يبدو أنها انتشرت في ذاك المكان بفعل الرياح من شاحنة أفرغت حمولتها من الزيوت في بعض المخازن التجارية لعلي أبو النور أو نصر الدين حامد، في ذلك الصحن رجل رث الثياب يجتهد يومه في تمزيق كل هذه الأوراق في حمى لا طائل لها.

نواصل.....
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



20-03-2008, 01:02 م

إسماعيل وراق


تاريخ التسجيل: 04-05-2003
مجموع المشاركات: 8334






Re: جـــــــــــزيرة أبـــــــــا ....عقلاء....بهاليل...وظرفاء..... (Re: آدم صيام)



Quote: يقال أن اسم أبا جاء من أن الجزيرة كان يسكنها في سالف الزمان شخص جنوبي حاول النازحون الجدد إخراجه من دياره بغير حق فأبى!
نرجو من المتداخلين تصويب هذا الرأي والمشاركة التوثيقية لأول عاصمة للسودان الحديث.




الجزيرة أبابجغرافيتها الحالية كانت عبارة عن غابة يسكنها قوم من قبيلة الشلك وكان زعيمهم يسمى علي..

بعض القبائل الرعوية القاطنة للنيل الأبيض منذ زمن قديم كانت تحاول دخول هذه المنطقة وتحديداً قبائل الحسانية، الشانخاب والأحامدة.. وهؤلاء كانوا يمرون بأبقارهم على منطقة الجزيرة فكان يعترضهم زعيم الشلك علي.. وكان ردهم لمن يسألهم لماذا لم تدخلوا الجزيرة (أن الشلكاوي أبا.. والرواية الصحيحة أن (العب أبا).. من هناأتى إسم الجزيرة أبا..

الشاهد أن أحد أخوان الإمام المهدي تزوج ببنت الزعيم الشلكاوي (علي)..

التعديل: سحب كلمة أخ ليستقيم النص (أحد أخوان الإمام المهدي)

.
.
الأخ آدم..
بوست جيد وفيه توثيق لشخوص لا يجدون مساحة لذكرهم في الوسائل الإعلامية التقليدية..
واصل.،
(عدل بواسطة إسماعيل وراق on 20-03-2008, 02:05 م)
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News



20-03-2008, 02:01 م

آدم صيام


تاريخ التسجيل: 11-03-2008
مجموع المشاركات: 1611






Re: جـــــــــــزيرة أبـــــــــا ....عقلاء....بهاليل...وظرفاء..... (Re: إسماعيل وراق)



Quote: الأخ آدم..
بوست جيد وفيه توثيق لشخوص لا يجدون مساحة لذكرهم في الوسائل الإعلامية التقليدية..
واصل.،


العزيز إسماعيل وراق
شكراً جزيلاً للمرور والمصاححة والدفع
لك عزيزي عاطر التحايا

نواصـــــــــــــــــــــــــــــل
حتى إذا تحرك بك البص ميمماً شطر الخرتوم، عبر البص السريع كوبري حي الطيارات، فتصاعدت زرافات الزرازير الأنصارية خليط من ود دبرك والشتو وطير الجنة وأم قيردون، التي تكدح بنظرية رزق اليوم باليوم إلى عنان السماء من جراء اصطكاك صندوق البص بمبته ، ثم رافقك إستاد الكرة المسور بالخيش مودعاً، وبدوره أسلمك ذا الإستاد العجيب لمباني المدرسة الثانوية، فمقبرة الضربة الجماعية وهي خالية من الشواهد والصوى، تلقفك كشك صالح صبورة وقذفك عبر الجاسر الذي خط تاريخ دخول الملك فيصل إلى تلك الجزيرة .

سلك البص السريع الطريق المحازي للنيل، حيث مر بالمرابيع ود اللبيح، وهناك تجمع حول البص بائعو البيض المسلوق والزلابية أم قلب والطعمية الحميراء، وقعت عينك للمرة الثانية على ذلك الرجل الذي يقرأ: وسيييييييييييييييييق الذين كفروا إلى جهنم زمرا.... يقوم بنفس الدور الإرشادي ـ إلا أن بؤبؤ عينيه أكثر تركيزاً على أعجاز النساء وجيوب الرجال.
إنه خراب كوستي وليس خراب سوبا!
مؤتمر ملتقى أيوا الإستثنائي بالجامعة الأمريكية - واشنطون20-21 مارس
لمكتبتي.:. المكتبات.:. خبر.:. راى.:. بيان.:. News